Banka Ekonomike gjatë vitit 2008 ka shënuar rritje të depozitave prej 63%

Viti 2008 ishte një vit jashtëzakonisht i suksesshëm i Bankës Ekonomike, bankë me kapital 100% vendor.

Gjatë vitit 2008 Banka Ekonomike ka arritur rezultate të shkëlqyeshme ku depozitat kanë shënuar rritje mbi 63 %, tha Valon Lluka, drejtor i përgjithshëm i kësaj banke. Ai tha se edhe përkundër konkurencës së ashpër në tregë, falë një organizimi të mirë brenda në bankë, me lansimin e shumë produkteve të reja është arritur që asetet të shënojnë rritje për më shumë se 54%, depozitat kanë shënuar rritje prej 63% si dhe portfolio e kredisë ka shënuar rritje prej 65 % në krahasim me vitin 2007.

Në vazhdim Z. Lluka prezentojë  të arriturat kryesore gjatë këtij viti. Në fund të vitit 2008 depozitat kanë arritur në 72.6 milion EUR, portofolio e kredisë ka arritur në 57 milion EUR, ndërsa asetet e bankës kanë arritur shumën prej 86.1 milion EUR.

Përveç  lansimit të produkteve  të reja të cilat e kanë bërë më atraktive dhe më joshëse Bankën Ekonomike para klientëve të saj, Banka Ekonomike ka vazhduar me hapjen e degëve dhe nëndegëve  të reja  pothuajse në mbarë territorin e  Kosovës. Gjatë vitit 2008 kemi hapur 8 njësi në lokacione të reja Mitrovicë, Gjakovë, Prizren, Podujevë, Klinë, Vushtri, Lipjan trend  i cili do të vazhdojë edhe në të ardhmën.

Jemi krenar që një bankë vendore, me kapital 100% vendor arrinë këto suksese të larta tha Z. Lluka duke ju falënderuar qytetarëve dhe gjithë klientëve për besimin e dhënë.